Unha proposta para levar a MICE alén do espazo e o tempo, que permite o visionado en liña de filmes que pasaron por anteriores edicións da Mostra Internacional de Cinema Etnográfico do Museo do Pobo Galego.
As obras que poderán verse do 13 o 30 de marzo a través da páxina web son:
A PORTRAIT ON THE SEARCH FOR HAPPINESS
Mellor Filme na 17 MICE
2021 | 73 min | Alemaña
VOSG
Dirección: Benjamin Rost
Un deserto bordeado por un profundo e frío mar. Unha paisaxe desgarrada que esconde os diamantes máis puros da terra nas profundidades. Na fronteira da nova febre dos diamantes en Sudáfrica, os mozos escavan coas súas mans día e noite en busca destes diamantes.
A esperanza chama a Vianey, antes drogadicto, que anhela unha vida mellor. O soño de Nelson Mandela impulsa ao cociñeiro Patrick, sen fogar, cara a este novo e esperanzador futuro. Só George, o mergullador dos diamantes, que unha vez foi millonario, segue aferrado aos seus recordos dun tempo pasado. Unha viaxe poética polo deserto, o vento e a area.
Premio á excelencia antropolóxica AGANTRO na 17 MICE
2020 | 59 min | Francia I
VOSG
Dirección: Frédéric Mainçon
No Palais de Tokyo, un dos principais centros de arte moderna de París, os axentes de seguridade vixían as obras de arte e cachean e controlan aos visitantes. En que se fixan? Que pensan?
Sección Galicia na 12 MICE
2016 | 28 min | Galicia
Dirección: David Vázquez
Guión: David Vázquez e Lorena Gallardo
Un paseo polo pasado, presente e futuro do Entroido Ribeirao, unha festa ancestral que se celebraba en moitas parroquias da Ribeira Sacra en Chantada (Lugo) que sobreviviu á censura da igrexa na época franquista e que agora resiste só no Moredo (Parroquia de San Ago de Arriba) ó despoboamento rural, grazas ó traballo que fai a Asociación Amigos do Entroido Ribeirao.
RESONANCIAS DO PASADO
Premio do público na 17 MICE
2021 | 66 min | Galicia
Dirección: Antonio Caeiro e Margarita Teijeiro
A través de vellas películas que gardaba a veciñanza de Vilagarcía de Arousa e que doaron á asociación O Faiado da Memoria, reconstrúese a vida dun pobo que xa pouco ten que ver con aquel que se representa. O filme compón e descompón un crebacabezas de vivenzas e espazos que van dos anos 20 aos 80 e un grupo de persoas de distintas idades, reunidas arredor dun proxector nun hipotético salón dunha casa, van vendo e comentando as imaxes.
Incluído na sección Lindes da 18 MICE
Varias autoras
2021-22 I 70 min I Portugal
Unha selección de curtametraxes englobadas na iniciativa Plano Frontal, unha proposta de Lugar do Real, proxecto de AO NORTE. Associação de Produção e Animação Audiovisual.
As cartas que nunca te escrevi
2018 I 12 min I Portugal
Dirección: Tomás Barão da Cunha
Domus
2019 I 13 min I Portugal
Dirección: Inês Silva
Águas profundas
2017 I 15 min I Portugal
Dirección: Josephine van Grinsven
Ás netas que Deus nos deu
2020 I 28 min I Portugal
Dirección: Filipe Nunes Branco e Inês T. Alves