Lindes

Esta sección paralela da MICE é un punto de encontro ao redor dos procesos creativos e de documentación de filmes con interese etnográfico, que fan referencia tamén ás fronteiras, tanto as xeográficas e culturais como as propias dun cinema no que se dilúen os límites entre a ficción e o documental. 

Nesta vixésima edición da Mostra Internacional de Cinema Etnográfico, serán dúas sesións abertas ao público con carácter de presentación e coloquio.

LINDES CON EMILIO FONSECA

PREESTREA DE SALVAXE, SALVAXE

XOVES 13, 20:30H. TEATRO PRINCIPAL

A 20 MICE acolle a presentación, antes da súa estrea cines comerciais, da primeira longametraxe do guionista e director Emilio Fonseca, SALVAXE, SALVAXE (Galicia, 2024), Biznaga de Plata á mellor longametraxe documental na 27ª edición do Festival de Málaga e Mellor Documental (Competición Galicia) no 20 Festival Internacional de Cine Play-Doc.

Conversa con Emilio Fonseca. Salvaxe, salvaxe. Olladas alén do humano.

SÁBADO, 15 DE MARZO, 12:30H. ALA SUR (MUSEO DO POBO GALEGO)

Entradas no Vivetix e, desde 1 hora antes do inicio da proxección, na recepción do Museo.

Emilio Fonseca compartirá coas persoas participantes no coloquio o proceso creativo da súa longametraxe e as súas prácticas de aproximación e rexistro do salvaxe como formas de encontro, intercambio e acollida.

A sección Lindes ten un carácter formativo de interese para aquelas persoas que traballan tanto co audiovisual como coa antropoloxía e a historia.

Emilio FonsecA

Explora relacións entre humanos e non humanos desde a busca da xustiza interespecie, as similitudes e encontros entre comunidades de distintas especies que cohabitamos o planeta. 

Guionista, director, debuxante, animador e docente en ámbitos de imaxe, funda en 2008 Walkie Talkie Films, traballando con linguaxes documentais e experimentais. 

Autor dos ensaios sobre Antropoceno, simulacro e delirio Somos plaga e Soy muro (da serie de pensamento Soy Cámara (CCCB), o libro Imágenes: un dominio público (VVAA, CCCB, 2020), e as pezas televisivas Queimar o monte e Tallers Sonors. Participou no proxecto de arte e cooperación internacional Chaco Ra’anga (AECID), creando a banda deseñada documental sobre conflitos ecosociais Verde Invisible (AECID, 2024).

SALVAXE, SALVAXE é a súa primeira longametraxe cinematográfica.

---

LINDES CON CINEASTAS EMERXENTES. AULA novos cinemas

DOMINGO 16, 19:00H. TEATRO PRINCIPAL

Entradas no despacho de billetes da Zona C dispoñibles a partir do 6 de marzo e, desde 1 hora antes da proxección, no Teatro Principal.

As pezas seleccionadas para esta sesión de Lindes proveñen dos obradoiros de titorización con cineastas que ven desenvolvendo ano tras ano, o festival pontevedrés Novos Cinemas dentro da súa sección AULA, en colaboración co campus de Pontevedra da Universidade de Vigo e dos TFG de Comunicación Audiovisual da Facultade de Xornalismo e Comunicación Audiovisual da USC.