MICE en liña

Os filmes poderán verse dende o 31 de marzo ata o 2 de abril.

NEITI AIKA 

Mellor Filme 16 MICE

2020 | 60’ | Finlandia

Elina Talvensaari


Sirkka-Liisa Miettinen foi unha muller que morreu soa aos 98 anos. A directora Elina Talvensaari mercou o seu apartamento con todo o que posuía, desde libros até fotografías. Non había ninguén, nin parentes nin amigos, que viñesen buscalos e Elina non quería tirar estas posesións. Significaría erradicar os últimos sinais da vida de Sirkka-Liisa. Elina decidiu lembrar á muller.

DENDE QUE CHEGOU A LUZ

Premio do Público na 15 MICE

2019 | 30’ | Galicia

Santiago Teijelo Vázquez



Na súa humilde cociña, Carmen cóntanos historias que tratan sobre a súa cultura e a súa sociedade infestadas de costume, folclore e supersticións. Mentres, o resto da familia continúa coa matanza do porco, unha tradición destinada a desaparecer, que vertebrou a sociedade da Galicia rural até principios do século XXI.

A MIÑA TERRA

Mellor Filme Galego 16 MICE

2020 | 27’ | Galicia

Santiago D. Risco


Na familia do director quedaron uns terreos en herdanza, pero ninguén sabe onde están a maioría deles. Son pequenos e están espallados no medio do monte. O director e o seu pai emprenden unha busca para atopalos. As liñas marcadas nos mapas pérdense ao buscar divisións na terra. Desaparecen. O que atopan en realidade son as cicatrices dunha forma de vida e sociedade nos seus últimos momentos.

GUANZHOU. UNA NUEVA ERA

Premio Agantro 15 MICE

2019 | 71′ | Francia

Boris Svartzman

En 2008, as autoridades locais desafiuzaron 2,000 veciños de Guanzhou, unha illa de río ao sur de China, para facer sitio para novos proxectos de ordenación  urbanos. A pesar da demolición das súas casas e a presión policial, un puñado de habitantes regresa á illa. Durante sete anos, Boris filmou a súa batalla para a súa terra ancestral terra, desde as ruínas da aldea onde a natureza se reafirma aos poucos ata as obras, da mega cidade que inexorablemente avanza cara eles.

RESEARCH / SOUVENIR (DIALOGUES)

Mención Especial do Xurado na 15 MICE

2018 | 19 minutos | Sudáfrica – Cimbabue

Roger Horn

O filme utiliza metraxe atopado de Rodesia (Cimbabue) e audios dunha investigación etnográfica entre mulleres emigrantes cimbabuesas en Cidade do Cabo. A primeira parte, Research, revela os pensamentos persoais e os desafíos afrontados polo cineasta no traballo de campo. A segunda parte,  Souvenir (Dialogues), ofrece ás participantes nas investigacións a oportunidade de cuestionar ao realizador sobre a súa elección de lembranzas, proporcionando un contexto político e económico ao éxodo actual de cimbabueses que leva á caída do presidente Robert Mugabe en novembro de 2017.